Impuzamashyirahamwe y'Umupira w'Amaguru ku Mugabane w'i Burayi (UEFA), kuri uyu wa Mbere yakoresheje tombora y'uburyo amakipe azahura muri 1/8 cy'irangiza mu gikombe cya UEFA Champions League umwaka w'imikino wa 2020-2021.
Iyi tombora yabereye i Nyon mu gihugu cy'u Busuwisi, aho amakipe 16 yazamutse mu matsinda 8 yatomboranye, hakaba harimo amakipe ane yo mu Budage, ane yo muri Espagne, atatu yo mu Bwongereza, atatu yo mu Butaliyani, imwe yo mu Bufaransa, n'indi imwe yo muri Portugal.
Imikino ibanza ya 1/8 izakinwa tariki 16, 17, 23 na 24 Gashyantare 2021, mu gihe imikino yo kwishyura izakinwa tariki 9, 10, 16, 17 Werurwe 2021, amakipe yarangije ari aya mbere mu itsinda akaba ari yo azakira umukino ubanza.
umukino wa nyuma uzaba tariki ya 29 Gicurasi 2021, ukazabera kuri Atatürk Olympic Stadium mu mujyi wa Istanbul muri Turikiya.
