Shampiyona y'icyiciro cya mbere mu mupira w'amaguru umwaka w'imikino 2020-2021, izatangira ku munsi w'ejo ku wa Gatanu, umukino witezwe na benshi ni uwo Mukura VS izakiramo Kiyovu Sports i Huye.
Ni shampiyona igarutse nyuma y'amezi hafi 9, ni nyuma y'uko iya 2019-2020 yasubitswe muri Werurwe kubera icyorezo cya Coronavirus.
Umwaka w'imikino 2020-2021, ukaba uzatangira ku munsi w'ejo hakinwa umunsi wa mbere, biteganyijwe ko imikino y'umunsi wa mbere yose izakinwa ejo.
Imikino itazaba ni uwo AS Kigali yagombaga gukina na Police FC n'uwa APR FC na Musanze. Iyi mikino yahise ihinduka ibirarane kuko APR FC na AS Kigali ziri mu mikino nyafurika.
Imikino iteganyijwe ku munsi wa mbere ni uwo Mukura VS izakiramo Kiyovu Sports i Huye, Rayon Sports isure Rutsiro FC i Rubavu ndetse n'uwo Sunrise FC izakiramo Gasogi United.
Dore Gahunda yose y'umunsi wa mbere wa shampiyona
Mukura VS vs Kiyovu Sports (Huye Stadium, 15:00')
Sunrise FC vs Gasogi United (Golgotha Stadium, 15:00')
Marines FC vs Gorilla FC (Umuganda Stadium, 13:00')
Rutsiro FC vs Rayon Sports (Umuganda Stadium, 15:30')
AS Muhanga vs Etincelles FC (Muhanga Stadium, 15:00')
Espoir FC vs Bugesera FC (Rusizi, 15:00')
