Umukino Espoir FC yagomgaga kwakiramo Rayon Sports n'uwo Rutsiro FC yagomba kwakiramo Gasogi United ku munsi wa gatatu wa shampiyona, yahindutse ibirarane nyuma y'uko Rayon Sports na Rutsiro FC zikiri mu kato.
Ku wa Gatanu w'icyumweru gishize nibwo Rayon Sports na Rutsiro zashyizwe mu kato k'iminsi 7, ni nyuma y'uko aya makipe yari yahuye ku mukino w'umunsi wa mbere wa shampiyona byagaragaye ko abakinnyi bane ba Rayon Sports banduye icyorezo cya Coronavirus, ubu bakaba bageze kuri 12 kuko ejo habonetse abandi 8.
Shampiyona y'icyiciro cya mbere mu Rwanda ikaba izakomeza ku munsi w'ejo ku wa Kane no ku wa Gatanu, aya makipe yo yagombaa kuzakina ejo aho Rayon Sports yagombaga gusura Espoir FC i Rusizi na Rutsiro ikakira Gasogi United i Rubavu.
Ishyirahamwe ry'umupira w'amauru mu Rwanda 'FERWAFA' rikaba ryamaze kumenyesha aya makipe ko batazakina iyi mikino kuko yahinduwe ibirarane.
Uko amakipe azahura ku munsi wa gatatu wa Shampiyona
Ku wa Kane tariki ya 10 Ukuboza 2020
Espoir FC vs Rayon Sports (Wasubitswe)
Etincelles FC vs Musanze FC (Stade Umuganda, 15:30)
Bugesera FC vs Police FC (Bugesera, 15:00)
Rutsiro FC vs Gasogi United (Wasubitswe)
AS Muhanga vs Gorilla FC (Stade Muhanga, 15:00)
AS Kigali vs Mukura VS (Stade de Kigali, 15:00)
Ku wa Gatanu tariki ya 11 Ukuboza 2020
APR FC vs Kiyovu Sports (Stade de Kigali, 15:00)
Marines FC vs Sunrise FC (Stade Umuganda, 15:00)
