Rayon Sports irahakana amakuru y'uko bamwe mu bakinnyi bayo bavuye mu mwiherero w'ikipe bakitahira, ni nyuma y'uko badahawe amafaranga yabo nk'uko babisezeranyijwe.
Rayon Sports irimo gukorera umwiherero mu Nzove yitegura shampiyona umwaka w'imikino wa 2020-2021 uzatangira ku wa 4 Ukuboza 2020.
Iyi kipe ariko n'ubwo iri mu mwiherero yitegura shampiyona iracyafitiye abakinnyi bamwe amadeni y'amafaranga baguzwe(recruitment) batabonye yose, abandi nabo bakaba bishyuza imishahara.
Ku munsi w'ejo nibwo hakwirakwiye inkuru ivuga ko bamwe mu bakinnyi b'iyi kipe bamaze kuva mu mwiherero wayo bakitahira nyuma y'uko ubuyobozi bubasezeranyije kubaha amafaranga yabo ntibuyabahe.
Iyi kipe ibinyujije ku rukuta rwa Twitter yavuze ko nta mukinnyi n'umwe w'iyi kipe wavuye mu mwiherero kubera ikibazo cy'amafaranga, ngo umukinnyi wenyine wavuyemo ni Sugira Ernest witabiriye ubutumire bw'ikipe y'igihugu.
#FAKENEWS
Ubuyobozi bwa @rayon_sports buramenyesha abanyamuryango ba #Gikundiro ko ntamukinnyi wayo wigeze ava mu mwiherero kubera ikibazo Cy'amafaranga.
Buboneyeho no kubabwira ko umukinnyi wasohotse mu mwiherero ari #SugiraErnest wongeye guhamagarwa mu ikipe y'igihugu #amavubi https://t.co/CODN326HGxâ€" Official Rayon Sports (@rayon_sports) November 15, 2020
