Gisagara VC yasinyishije Yves Mutabazi #Rwanda #RwOT via @kigalitoday #rwanda #RwOT

webrwanda
0
Mutabazi Yves (iburyo) yasinyiye kuzakinira Gisagara VC imyaka ibiri
Mutabazi Yves (iburyo) yasinyiye kuzakinira Gisagara VC imyaka ibiri

Mutabazi Yves wasoje amasezerano muri REG VC yatandukanye na yo mu minsi yashize, yari amaze iminsi avugwa mu makipe atandukanye ya hano mu Rwanda arimo na APR VC.

Mu kiganiro yagiranye na Kigali Today, umunyamabanga w'iyi kipe Gatera Edmond, yavuze ko bwari byatwaye igihe kirekire kugira ngo babone uyu mukinnyi i.

Yagize ati “Ni umukinnyi mwiza ikipe iyo ari yo yose yakenera, uzadufasha mu gusatira amakipe. Ni umukinnyi twifuje igihe kirekire ntibikunde, ariko aka kanya navuga ko bikunze turamushimira ko yemeye kudukinira”.

Kubafasha gutwara ibikombe biri mu byatumye Gisagara VC imugura nk'uko umunyamabanga yakomeje abivuga. Yagize ati “Yves ni umukinnyi uje kudufasha gutwara ibikombe nk'uko tubyifuza, si we wenyine kuko hari n'abandi twifuza gusinyisha kandi ibiganiro bigeze kure”.

Jean Claude Mwizerwa (ibumoso) ushinzwe kugura abakinnyi ati "twagushatse kera amaherezo turakubonye".
Jean Claude Mwizerwa (ibumoso) ushinzwe kugura abakinnyi ati "twagushatse kera amaherezo turakubonye".

Gisagara VC yasoje shampiyona ku mwanya wa kane mu makipe ane yakinnye imikino ya nyuma ya shampiyona mu kwezi gushize k'Ukwakira, aho igikombe cyegukanywe na APR VC.

Mutabazi Yves ni umwe mu bakinnyi bamenyekaniye muri APR VC yavuyemo yerekeza mu gihugu cy'u Buyapani gukina nk'umukinnyi wabigize umwuga, nyuma yo kuvayo yerekeje muri REG VC aho yasoje amasezerano ntiyongererwa.




source https://www.kigalitoday.com/imikino-11/volleyball/article/gisagara-vc-yasinyishije-yves-mutabazi
Tags

Post a Comment

0Comments

Post a Comment (0)