Umugabo w'imyaka 51 witwa Gladwn Mboweni, wo muri Afurika y'Epfo bivugwa ko yiyahuye atwitse inzu ye akoresheje ibintu byaka cyane hapfiramo abakobwa be uko ari babiri.
Â
Abakobwa be bombi, Minkateko w'imyaka 13 na Tsakani Mboweni w'imyaka 9 na bo bapfiriye muri iyo nzu ibyo byabereye mu mujyi wa Nkowankowa hanze ya Tzaneen muri Limpopo. Mboweni yari Umuyobozi w'akarere ka Mopani muri Stats Afrika yepfo.Â
Â
Umuvugizi wa polisi, Brig. Motlafela Mojapelo yemeje ibyabaye kuri uyu wa mbere, tariki ya 12 Ukwakira, avuga ko icyabimuteye kitaramenyekana ariko ko badahakana ihohoterwa rikorerwa mu ngo.
 Yagize ati:
'Abaturanyi ngo babonye inzu yaka umuriro maze basimbukira hejuru y'uruzitiro rw'urukuta kugira ngo barokore abari bahari. Bamennye rimwe mu madirishya kugira ngo binjire kandi muri icyo gihe babasha gutabara se wari umaze guhura n'umwotsi. '
Yakomeje agira ati:
'Umuriro mwinshi n'umwotsi byabirukanye. Bahamagaza abapolisi n'abashinzwe ubutabazi kimwe n'abashinzwe kuzimya umuriro bahise bahamagazwa maze nyuma yo kuzimya umuriro, imirambo yatwitse y'abo bana bombi yabonetse mu byumba bitandukanye, '
Iperereza ryibanze rya polisi ryerekanye ko nyakwigendera n'umugore we batandukanye kandi ko abakobwa be bagumanye na we.
Ati: 'Birakekwa kandi ko se yatwitse inzu akoresheje ibintu byaka cyane'.
Umuvugizi wa polisi mu Ntara, Lt-Gen Nneke Ledwaba, yamaganye ibyabaye, anasaba abaturage bashobora guhura n'ibibazo byo mu ngo cyangwa umubano utoroshye kugira ngo bashake ubufasha bw'umwuga aho kwitabaza urugomo rukabije.
Â
