Amakuru dukesha ikinyamakuru Daily Monitor avuga ko mu gihugu cya Uganda abantu batatu barasiwe muri hotel izwi nka New Crested Crane Hotel iherereye mu Mujyi wa Jinja umwe akahasiga ubuzima.
Muri ubwo bwicanyi umuntu umwe muri aba batatu barasiwe muri iyi hotel yo muri uyu mujyi uherereye mu majyepfo ya Uganda ku nkombe z'Ikiyaga cya Victoria, yahise apfa abandi babiri bakaba bihutanwe ku Bitaro bya Jinja.
Aya makuru akaba yemezwa n'Umuvugizi w'igipolisi muri Kiira, Abbey Ngako. Yagize ati: 'Impamvu yateye ubu bwicanyi n'imyirondoro y'uwishwe n'abakomeretse ntibiramenyekana kugeza ubu.'
Umuvugizi wa polisi yakomeje avuga ko ahabereye iki gikorwa hatoraguwe ibitoyi by'amasasu bigera kuri 20.
