Igisirikare cya Congo kiravuga ko cyafashe ibirindiro by'umutwe w'abarwanyi b'Abarundi barwanira mu burasirazuba bwa Congo.
Umuvugizi w'ingabo za FARDC yavuze ko abarwanyi b'umutwe uvuga ko uharanira kwibohora, FNL, bahungiye mu ishyamba nyuma y'iminsi itatu y'imirwano ikaze.
Yanavuze kandi ko ingabo za leta zarwanye n'undi mutwe w'inyeshyamba z'Abanyarwanda uzwi nka CNRD kimwe n'undi w'Abarundi wa Red Tabara wagabye ibitero mu Burundi mu kwezi gushize.
Mu burasirazuba bwa Congo hari imitwe y'abarwanyi b'Abanyarwanda n'Abarundi irimo n'iy'inyeshyamba zo muri Congo.
BBC dukesha iyi nkuru,yavuze ko umuvugizi w'igisirikare cya Congo mu burasirazuba bw'igihugu, Kapiteni Dieudonné Kasereka, yavuganye na Jacques Niyitegeka atangira amubwira uko imirwano yagenze n'uburyo birukanye FNL.
Ubusanzwe mu Burasirazuba bwa Congo hakunze kumvikana imitwe myinshi yitwara gisirikare,ikaba ari yo ikunze kuvugwaho kub intandaro y'umutekano muke uvugwa mu gace k'ibiyaga bigari.
