Amakipe y'Igihugu y'ingimbi mu batarengeje imyaka 17 na 20 yamenye amatsinda azaba aherereyemo mu mikino ya CECAFA.
Ikipe y'Igihugu y'abatarengeje imyaka 20 iri mu itsinda A Hamwe na Tanzania izaba yakiriye amarushanwa, Somalia ndetse na Djibouti.
Uko amatsinda muri iyi mikino y'abatarengeje imyaka 20 ahagaze,
Itsinda A: Tanzania, Rwanda, Somalia, Djibouti
Itsinda B: Burundi, Eritrea, South Sudan, Uganda
Itsinda C: Ethiopia, Kenya, Sudan
Iyi mikino ya CECAFA y'abatarengeje imyaka 20 izaba guhera ku itariki 22 Ugushyingo kugeza ku itariki 05 Ukuboza 2020 muri Tanzania.
Ikipe y'igihugu y'abatarengeje imyaka 17 izaba ikinira mu rugo iri mu itsinda A hamwe na Eritrea ndetse na South Sudan.
Amatsinda mu mikino ya CECAFA y'abatarengeje imyaka 17 ahagaze mu buryo bukurikira:
Itsinda A: Rwanda, Eritrea, South Sudan
Itsinda B: Uganda, Ethiopia, Kenya
Itsinda C: Sudan, Djibouti, Tanzania
Imikino ya CECAFA y'abatarengeje imyaka 17 izabera mu Rwanda biteganijwe ko izabera mu turere twa Rubavu na Huye guhera itariki 13 Ukuboza kugeza ku itariki 23 Ukuboza 2020.
Iyi mikino ya CECAFA mu batarengeje imyaka 17 na 20 niyo izagena ibihugu bizahagararira akarere ka Afurika y'Iburasirazuba mu mikino y'igikombe cya Afurika muri ibyo byiciro.
