Godfrey Baguma w'imyaka 47 bakunze kwita Ssebabi, wegukanye igihembo cy'umugabo mubi kurusha abandi muri Uganda, nyuma yo kurongora umugore wa gatatu w'ikizungerezi byatangaje rubanda aho benshi bari kwibaza niba adakoresha amarozi.
Godfrey Baguma yegukanye igihembo cy'umugabo mubi kurusha abandi muri Uganda mu mwaka wa 2002.
Asanzwe ari umunyarwenya wabigize umwuga, gusa guca akagahigo ko kwegukana iki gihembo byamugize icyamamare ku buryo umwuga we wo gusetsa no gushimisha rubanda bimwinjiriza agatubutse.
Ssebabi yigaruriye imitima ya benshi cyane cyane igitsinagore, bikaba bigoye kwiyumvisha uburyo amaze kurongora abagore batatu bakiri bato kandi b'ibizungerezi.
Nyuma yo gukora ubukwe akarongora umugore wa gatatu w'ikizungerezi, imbuga nkoranyambaga yarazihariye, inkuru ye ni yo iri kuvugwa cyane, benshi bakaba bakomeje kwibaza niba nta marozi akoresha amufasha kwigarurira imitima y'abakobwa beza.
Magingo aya Godfrey Baguma (Ssebabi) afite abana barindwi barimo babiri yabyaranye n'umugore wa mbere n'abandi batanu yabyaranye n'umugore wa kabiri.
Ssebabi urongoye umugore wa 3 w'ikizungerezi, mu mwaka wa 2002 nibwo yegukanye igihembo cy'umugabo mubi kurusha abandi mu gihugu cya Uganda, ubu bukwe bwe bukaba bwavugishije abantu ku mbuga nkoranyambaga.
