Inama ya Komite Nyobozi ya FERWAFA yateranye ku italiki 4 Nzeri 2020 yafashe umwanzuro ku ikoreshwa ry'inkunga igenewe umupira w'abagore itangwa n'ishyirahamwe ry'umupira w'amaguru ku isi (FIFA).
Iyi nkunga yiswe FIFA WOMEN FOOTBALL GRANT igenewe amakipe yo mu kiciro cya mbere n'icya kabiri mu bagore azaba yiyandikishije gukina amarushanwa y'umwaka wa 2021 n'ayo mu mwaka wa 2022 agatangwa mbere y'uko imikino itangira.
Iyi nkunga ikaba iteganyirijwe gusa ibikorwa by'amarushanwa bikurikira:
- Ingengo y'imari izakoreshwa ku ikipe y'Igihugu nkuru y'Abagore: Rwf 50,000,000
- Ingengo y'imari izakoreshwa ku ikipe z'Igihugu z'abakobwa z'abato: Rwf 50,000,000
- Gutera inkunga amakipe y'abagore yo mu kiciro cya1 n'icya 2: Rwf 151,000,000
- Ingengo y'imari izakoreshwa mu marushanwa y'abana b'abakobwa (Girls competitions): Rwf 38,090,000
- Ingengo y'imari izakoreshwa mu bijyanye n'amahugurwa y'abatoza b'abagore: Rwf 23,950,000
- Ingengo y'imari izakoreshwa mu gukomeza guteza imbere abasifuzi b'abagore: Rwf 9,000,000
- Ingengo y'imari izakoreshwa mu gutegura gahunda yo kugera ku iterambere rirambye ry'umupira w'abagore mu Rwanda: Rwf 10,000,000
- Ingengo y'imari izakoreshwa mu gutanga inkunga y'ibikoresho by'umupira w'amaguru ku makipe y'abagore n'ay'abana b'abakobwa (imipira yo gukina,): Rwf 50,915,000
- Ingengo y'imari izakoreshwa mu gutangiza amashuri ane (4) y'ikitegererezo y'abana b'abakobwa : Rwf 84,000,000
Iyi ngengo y'imari yose ikaba ari amafaranga y'u Rwanda 466,955,000 angana n'ibihumbi magana atanu by'amadolari ya Amerika (500,000 USD)
