OMS yamaze kwemera urukingo rwa Koronavirusi rwakoze n’Uburusiya ndetse rutangira no gukwirakwizwa mu bindi bihugu. #rwanda #RwOT

Ishyirahamwe mpuzamahanga ryita ku buzima (OMS),kuri uyu wagatatu ryavuze ko batangiye gukorana n’Uburusiya mu gukurikirana ibikorwa by’ikoreshwa ry’urukingo rurinda Koronavirusi Uburusiya buvuga ko bwakoze. OMS yatangaje ko bigaragara ko uru rukingo rwaba igisubizo cy’iki cyorezo.

Kuri uyu wa kabiri w’iki cyumweru,Perezida Vladmir Putin yemeje ko igihugu cye cy’Uburusiya kibaye icya mbere cyemeje ko cyarangije gukora urukingo n’ubwo igice cya nyuma cy’igerageza ryarwo ku bantu 2000 cyo cyatangiye kuri uyu wa gatatu.

Gusa Perezida Putin yamaze kwemeza ko bamwe  mu barusiya barimo n’umukobwa we bamaze guhabwa urwo rukingo kandi ko igikorwa cyo gukingira kirimbanije haherwa ku baganga n’abarimu.

Nk’uko Rwandannews ikomeza ibivuga,ibihugu bimwe na bimwe by’amahanga kandi nabyo byatangiye gutumiza uru rukingo mu Burusiya ngo bakingire abaturage babo,dore ko abahanga bemeza ko inzira nyonyine yo  kurandura iyi ndwara ya Covid-19 ari urukingo.

Muri iyi minsi hakomeje ubushakashatsi kuri iyi ndwara ya Koronavirusi,OMS ikaba ivuga ko hari inkingo 28 mu zirenga 150 ziri mu igeragezwa ku bantu,muri zo esheshatu zigeze ku rugero rwa gatatu mu kugeragerezwa ku bantu benshi.

Urukingo rw’Uburusiya rwakozwe n’ikigo cy’ubushakashatsi cyitwa Gamaleya gifatanije na Minisiteri y’ingabo y’Uburusiya.

The post OMS yamaze kwemera urukingo rwa Koronavirusi rwakoze n’Uburusiya ndetse rutangira no gukwirakwizwa mu bindi bihugu. appeared first on KASUKU MEDIA.



source https://kasukumedia.com/oms-yamaze-kwemera-urukingo-rwa-koronavirusi-rwakoze-nuburusiya-ndetse-rutangira-no-gukwirakwizwa-mu-bindi-bihugu/

Post a comment

0 Comments