Haruna na Papy bagiye guhangana na Kagere Meddie #rwanda #RwOT

Amakipe abiri akinamo abanyarwabda muri Tanzania, agiye gucakiranira muri ½ cy'igikombe cy'igihugu muri Tanzania, ni nyuma y'uko yitwaye neza mu mikino ya ¼.

Yanga ya Haruna na Papy ni yo yageze muri ½ mbere. Hari nyuma yo gusezerera Kagera Sugar muri ¼ iyitsinze ibitego 2-1. Ni umukino wabaye ku munsi wo ku wa Kabiri w'iki cyumweru.

Ku munsi w'ejo tariki ya 1 Nyakanga 2020 ni bwo Simba SC ya Meddie Kagere yari yamanutse mu kibuga ihura na Azam FC muri ¼. Ni umukino warangiye ku ntsinzi ya Simba SC y'ibitego 2-0, ni ibitego byatsinzwe na John Bocco ndetse Clatous Chama.

Muri ½ Simba SC ikaba igomba guhura na Yanga, ni mu gihe ikipe ya Namungo FC yasezereye Alliance iyitsinze 2-0 izahura na Sahare All Stars yasezereye Ndanda kuri penaliti 4-3 nyuma y'uko amakipe yombi anganyije 1-1.

Imikino ya 1/2 ikaba itganyijwe kuzaba tariki ya 11 na 12 Nyakanga 2020.

Haruna na Papy bageze muri 1/2 bazahura na Simba SC

Meddie kagere utarimo gukoreshwa cyane muri iyi minsi agiye guhura na Yanga ya Haruna na Papy

source http://isimbi.rw/siporo/article/haruna-na-papy-bagiye-guhangana-na-kagere-meddie