Ikipe ya Manchester City ifitanye umukino w'ishiraniro n'ikipe ya Real Madrid mu mikino ya 1/2 y'igikombe gikomeye kurusha ibindi cya Uaefa Champions League akaba ari umukino ikipe ya Manchester City ishaka kwihorera ku ikipe ya Real Madrid.
Manchester City itozwa n'umutoza Pep Guardiola yarahiye ko ishaka gukuramo umwami wa Champions League kugira ngo igere kuri final yagezeho rimwe rukumbi mu mateka yayo gusa ibi bari kubivuga nyuma y'uko umwaka ushize yababajwe bikomeye n'ikipe ya Real Madrid ku kibuga cyayo cya Santiago Bernabeu.
Man City yatsindiwe na Real Madrid muri Espane bituma iyi kipe ibura amahirwe yo kugera ku mukino wanyuma abakinnyi ba Manchester City barashaka kwihesha icyubahiro kugira ngo bemeze Isi ko ariyo kipe ya mbere ikomeye nk'uko benshi babibona n'ubwo nta gikombe cya Champions League bagira mu mateka yabo kuva iyi kipe yashingwa.
Amateka avuga ko izi kipe zombi zimaze gukina imikino 10 imikino 9 muri yo n'imikino y'igikombe cya Champions League ikipe ya Real Madrid yatsinzemo imikino 4 na Man City itsinda 4 zinganya imikino 2 imibare igaragagaza ko izi kipe zombi zishoborana.
Uyu mukino urabera kuri sitade y'ikipe ya Real Madrid yo mu gihugu cya Espane yitwa Santiago Bernabeu ukaba uratangira isaa tatu z'ijoro.
