Header Ads Widget

Technology

Abagore batatu bishwe barasiwe mu kabari bashavuje benshi #rwanda #RwOT

Abagore batatu barimo inshuti ya Minisitiri w'intebe w'Ubutaliyani barashwe barapfa ubwo umugabo yarasaga mu kabari mu murwa mukuru Roma, agakomeretsa n'abandi bantu bane.

Abari imbere bari bahuriye mu nama ya komite y'inzu y'igorofa (block) batuyemo hafi aho.

Roberto Gualtieri ukuriye umujyi wa Roma, yavuze ko uko kurasa ari 'urwego rukabije rw'urugomo' kandi ko kuri uyu wa mbere haba inama y'igitaraganya.

Ukekwa, w'imyaka 57, arafunze. Afite amateka yo gushyamirana na bamwe mu bagize iriya komite, nk'uko amakuru abivuga.

Luciana Ciorba, visi perezida w'iyo komite, yari ari muri ako kabari mu karere ka Fidene k'umujyi wa Roma nk'uko bivugwa n'ikinyamakuru La Repubblica.

Elisabetta Silenzi, w'imyaka 55 na Nicoletta Golisano, w'imyaka 50

Avuga ko uwo mugabo witwaje imbunda yinjiye muri ako kabari ku Cyumweru afite pistoret avuga ngo 'Ndabica mwese'. Bivugwa ko yaje kuneshwa n'abandi bari aho mbere y'uko polisi imufata.

Mu bakomeretse, bikekwa ko ari abagore babiri n'abagabo babiri, umwe ararembye cyane.

Minisitiri w'intebe Giorgia Meloni yavuze ko umwe mu bagore bishwe, Nicoletta Golisano, ari inshuti ye. Abandi bishwe ni Elisabetta Silenzi and Sabina Sperandio.

Meloni avuga ko yibuka inshuti ye nk'umuntu 'mwiza kandi unezerewe'.

Mu butumwa yashyize kuri Facebook yagize ati: 'Nicoletta yari umubyeyi urinda abe, inshuti nyayo kandi yo kwizera, umugore ukomeye kandi woroshye icya rimwe.'

Yongeraho ati: 'Ariko hejuru ya byose yari umunyamwuga ufite ubushake budasanzwe ku nshingano…Nicoletta yari inshuti yanjye.

'Ntabwo bikwiye gupfa kuriya. Nicoletta yari anezerewe, yari mwiza, mu ikanzu ye y'umutuku yaguze ku isabukuru ye y'imyaka 50 mu byumweru bicye bishize. Kuri njye azahora ari mwiza kandi anezerewe gutyo.'

Minisitiri w'intebe Giorgia Meloni (ibumoso) yatangaje ifoto ari kumwe na Nicoletta Golisano

Minisitiri w'intebe Giorgia Meloni (ibumoso) yatangaje ifoto ari kumwe na Nicoletta Golisano

Minisitiri w'intebe Meloni yavuze ko uwabarashe akekwaho kuba yari yaribye intwaro yakoresheje kandi ko yariho akorwaho iperereza.

Polisi ntacyo iratangaza ku cyaba cyateye uwo ukekwa gukora ubu bwicanyi. Gusa bikekwa ko ubu atari ubwicanyi bufitanye isano na politike.

Amakuru avuga ko ukekwa hamwe na bamwe mu batuye muri iyo gorofa bamaze igihe mu makimbirane akomeye.

@BBC

The post Abagore batatu bishwe barasiwe mu kabari bashavuje benshi appeared first on IRIBA NEWS.



Source : https://iribanews.rw/2022/12/12/abagore-batatu-bishwe-barasiwe-mu-kabari-bashavuje-benshi/

Post a Comment

0 Comments

Nature