Header Ads Widget

Technology

Qatar yakuyeho kirazira nyinshi mu mukino ufungura Igikombe cy'isi yatsinzwe #rwanda #RwOT

Igihugu cya Qatar cyatsinzwe na Ecuador ibitego 2-0 mu mukino ufungura igikombe cy'isi 2022,iba igihugu cya mbere mu mateka ya ruhago gitsinzwe umukino ufungura irushanwa cyakiriye.

Imbere y'abafana bayo n'isi yose,Qatar iri ku rwego rwo hasi yatsinzwe umukino wa mbere w'igikombe cy'isi iri kwakira,mu mukino yananiwe no gutera mu izamu.

Uyu mukino watangiye Ecuador ibona igitego ku munota wa 2 gitsinzwe na Enner Valencia gusa ariko mu buryo butangaje ndetse butavugwaho rumwe VAR yemeza ko habayeho kurarira k'uwitwa Michael Estrada.

Ecuador ntiyacitse intege kuko ku munota wa 14 yabonye penaliti nyuma y'aho umunyezamu wa Qatar,Al-Sheeb ategeye mu rubuga rw'amahina rutahizamu Valencia.

Uyu Enner Valencia yatsinze igitego cya mbere kuri penaliti biba inshuro ya mbere mu mateka y'igikombe cy'isi igitego gifungura irushanwa cyinjiye kuri penaliti.

Ecuador yarushaga bigaragariraburi wese Qatar ndetse yagiye irema uburyo bukomeye imbere y'izamu ryayo ariko umunyezamu na ba myugariro bakirwanaho.

Ku munota wa 31 w'umukino, Enner Valencia yatsinze igitego cya kabiri cya Ecuador n'umutwe ku mupira mwiza cyane yaherejwe na Preciado.

Igice cya mbere cyarangiye Ecuador iyoboye n'ibitego 2-0 ndetse inarushwa bikomeye kuko guhererekanya umupira inshuro 3 byari ikibazo.

Mu gice cya kabiri,Qatar yagerageje kwikosora ariko ntiyabashije gutera mu izamu na rimwe ugereranyije na Ecuador yabikoze 3.

Abafana ba Ecuador bumvikanye muri stade baririmba ngo turashaka inzoga cyane ko zibujijwe gucuruzwa muri stade muri Qatar.

Icyagaragagye kuri uyu mukino nuko muri stade harimo imyanya myinshi irimo ubusa,bigashimangira ko iki gihugu kitari ku rwego rwo hejuru mu kugira abakunzi ba ruhago.

Mu minota 100 yakinwe ubariyemo inyongera,Qatar yageze mu rubuga rw'amahina rwa Ecuador inshuro 3 gusa.

Enner Valencia niwe watowe nk'umukinnyi w'umukino ndetse uyu mukino hageragejwe amashoti 11 gusa make cyane mu mukino w'igikombe cy'isi kuva 1966.

Muri iri tsinda Senegal izisobanura n'Ubuholandi ku munsi w'ejo saa 18:00.



Source : https://umuryango.rw/imyidagaduro/imikino/article/qatar-yabaye-igihugu-cya-mbere-gitsinzwe-umukino-ufungura-igikombe-cy-isi

Post a Comment

0 Comments

Nature