Header Ads Widget

Technology

Iker Casillas wakiniye Real Madrid wavuze ko ari umutinganyi nyuma yo kwatswaho umuriro, yisubiyeho #rwanda #RwOT

Ku munsi w'ejo hashize ku Cyumweru tariki ya 9 Ukwakira 2022, Iker Casillas Casillas wakiniye ikipe y'igihugu ya Espagne na Real Madrid yatunguye benshi avuga ko ari umutinganyi.

Mu butumwa bwanyuze ku rukuta rwe rwa Twitter, yagize ati "nizere ko mu binyubahira: Ndi umutinganyi".

Ni ibintu byatunguye benshi cyane ko uyu mugabo benshi bari basanzwe bamuzi afite umugore batamuzi aryamana n'abo bahuje ibitsina.

Casillas w'imyaka 41 yari afite umugore w'umunyamideli Sara Carbonero baje gutandukana muri 2021 ariko biyemeza gukomeza kurera abana babyaranye.

Ubu butumwa yashize kuri Twitter nyuma yo kutakirwa neza, abantu baje gutungurwa kandi na Carles Puyol wamenyekanye muri FC Barcelona waje kubuvugaho na we avuga ko ari umutinganyi.

Ati "igihe kirageze ngo tuvuge inkuru yacu, Iker."

Nyuma y'amasaha make, Iker yaje gusiba ubu butumwa maze abusimbuza ubundi avuga ko konti ye yari yibwe ariko ubu ibintu bimeze neza byacyemutse.

Ati "Konti yari yibwe. Ku bw'amahirwe buri kimwe kiri mu murongo. Ndasaba imbabazi abankurikira bose. Birumvikana ndasaba n'imbabazi umuryango wa LGTB (ihuriro ry'abaryamana bahuje ibitsina)."

Iker Casillas yamenyekanye muri Real Madrid yanabereye kapiteni yakiniye imikino 725, yayivuyemo muri 2015 ajya muri FC Porto yo muri Portugal yakiniye kugeza muri 2020 ubwo yasezeraga umupira w'amaguru kubera uburwayi bw'umutima. Mu ikipe y'igihugu ya Espagne yatwaranye na yo Igikombe cy'u Burayi cya 2008 na 2012 ndetse n'igikombe cy'Isi cya 2010, yayikiniye imikino 167.

Ubutumwa bwavugaga ko ari umutinganyi
Yaje kuvuga ko konti ye yari yibwe
Iker Casillas yatunguye benshi ubwo yavugaga ko ari umutinganyi



Source : http://isimbi.rw/siporo/article/iker-casillas-wakiniye-real-madrid-wavuze-ko-ari-umutinganyi-nyquma-yo-kwatswaho-umuriro-yisubiyeho

Post a Comment

0 Comments

Nature