Header Ads Widget

Technology

Casemiro yakubiwe umushahara aba uwa 3 mu bah... - #rwanda #RwOT

Kuwa Gatanu w'iki Cyumweru, nibwo byamenyekanye ko Manchester United yamaze kumvikana imikoranire n'uyu kizigenza wo mu kibuga hagati, byitezwe ko bazakorana kugera nibura muri 2027.

Kimwe mu byatumye Manchester United ibasha gukurura Casemiro ndetse we ubwe akisabira kuva muri Real Madrid, ni uko mu Bwongereza yasezeranijwe kujya ahembwa asaga Miliyoni 18.2 z'Amayero ku mwaka, mu gihe i Madrid yahembwaga Miliyoni 10.2 gusa.

Gutumbwagizwa k'umushahara wa Casemiro byatumye ugera ku bihumbi 350 by'Amayero ku Cyumweru kimwe, aho anganya na Jodon Sancho, bakaba ku mwanya wa gatatu ku rutonde rw'abakinnyi bahembwa akayabo muri 'Red Devils'.

Casemiro na Sancho ku rutonde rw'abahembwa akayabo, bakurikiye David DeGea wa kabiri uhembwa ibihumbi 375 by'Amayero ku Cyumweru ndetse na Cristiano Ronaldo wa mbere uhembwa ibihumbi 480 by'Amayero buri Cyumweru.


Abahembwa menshi muri Man Utd

Biteganijwe ko Henrique Casemiro aza gutangazwa ku mugaragaro na Manchester United kuri iki Cyumweru cyangwa ejo kuwa Mbere, ubwo bazaba bitegura umukino w'umunsi wa Gatatu bafitanye na Liverpool.

Casemiro w'imyaka 30 y'amavuko yari amaze imyaka 9 muri Real Madrid yo muri Espagne, aho yageze muri 2013 avuye muri Sao Paulo FC y'iwabo muri Brazil.

Amaze gukinira Real Madrid imikino 222 y'amarushanwa, aho yatsinzemo ibitego 24 nk'uko urubuga rwa Wikipedia rubigaragaza ndetse ni umwe mu bafashije iyi kipe gutwara ibikombe bitanu bya UEFA Champions League, kuva mu myaka 10 ishize.


Casemiro ari mu bava i Madrid



Source : https://inyarwanda.com/inkuru/120184/casemiro-yakubiwe-umushahara-aba-uwa-3-mu-bahembwa-menshi-na-manchester-united-120184.html

Post a Comment

0 Comments

Nature