Header Ads Widget

Technology

Abakinnyi ba APR FC batunguye umutoza mu kiganiro n'itangazamakuru bamukorera agashya #rwanda #RwOT

Abakinnyi ba APR FC batunguye umutoza wabo, Adil Erradi ari mu kiganiro n'itangazamakuru bamumenaho amata banamwambika indobo.

Byabaye kuri uyu wa Kane tariki ya 16 Kamena 2022 ubwo APR FC yari imaze gutsinda Police FC 2-0 ihita inatwara igikombe cya shampiyona cya 2021-22.

Ubwo umutoza Adil Erradi Mohammed yari mu kiganiro n'itangazamakuru, abakinnyi bamutunguye mu rwego rwo kumushimira no kwishimira intsinzi maze bamumenaho amazi.

Aba bakinnyi ntibakanzwe n'uko uyu mutoza ari kuganira n'itangazamakuru ahubwo bamumennyeho amata bari bafite ndetse n'amazi yari mu ndobo maze bahita banayimwambika mu mutwe.

Iki gikombe cya shampiyona APR FC yegukanye, ni igikombe cya 20 yegukanye mu mateka yayo, ikaba inagitwaye inshuro 3 zikurikiranya ibintu yaheruka gukora 2013-14, 2014-15, 2015-16.

Bamutunguye bamusanga mu kiganiro n'itangazamakuru
Bamumennyeho amazi n'amata
Indobo bahise banayimwambika



Source : http://isimbi.rw/siporo/article/abakinnyi-ba-apr-fc-batunguye-umutoza-mu-kiganiro-n-itangazamakuru-bamukorera-agashya

Post a Comment

0 Comments

Nature