Header Ads Widget

Technology

Amavubi yabonye umutoza wungirije #rwanda #RwOT

Umunya-Espagne, Jacint Magriña Clemente ni we wagizwe umutoza wungirije w'ikipe y'igihugu Amavubi aho aje kungiriza mugenzi we, Carlos uherutse kugirwa umutoza mukuru.

Tariki ya 29 Werurwe 2022, nibwo Ishyirahamwe ry'umupira w'amaguru mu Rwanda 'FERWAFA' ryatangaje ko ryamaze gusinyisha amasezerano y'umwaka umutoza ukomoka muri Espagne, Carlos Alós Ferrer.

Ntabwo hahise hatangazwa umutoza bazakorana cyangwa se uzamwungiriza, gusa kuri ubu akaba yamaze kumenyekana ko na we ari umunya-Espagne.

Jacint Magriña Clemente ni we mutoza wungirije w'ikipe y'igihugu, akaba yaratangiye akazi mu buryo bweruye ku munsi w'ejo hashize ku wa Gatanu ubwo yakurikiranaga umukino wa Gasogi United na Kiyovu Sports.

Iyo ugiye kureba aho yanyuze, ntabwo murandasi ibitse amateka ye menshi ndetse byanagorana kuyamenya, gusa bigaragara ko kuva 2001 kugeza 2011 yari muri RCD Espanyol de Barcelona S.A.D. ari nabwo yarimo yinjira mu mwuga w'ubutoza ahagaritse gukina, 2011 kugeza 2012 yari mu ishami rya tekinike ry'ikipe ya FC Dynamo Moscow yo mu Burusiya, 2013-2015 yari umwalimu w'isomo ry'umupira w'amaguru mu kigo cy'amashuri cya Turbula giherereye mu majyaruguru y'umujyi wa Barcelona ni mu gihe muri 2015 yari umuhuzabikorwa mu ikipe ya FK Akademiya Ontustik yo muri Kazakhstan.

Jacint Magriña Clemente (ubanza ibumoso) ni we mutoza wungirije w'Amavubi, aha yari kumwe n'umutoza mukuru, Carlos Ferrer



Source : http://isimbi.rw/siporo/article/amavubi-yabonye-umutoza-wungirije

Post a Comment

0 Comments

Nature