Header Ads Widget

Technology

Cyamunara y'urufunguzo rw'aho Mandela yafungiwe yahagaze rusubizwa Afurika y'Epfo #Rwanda #RwOT via @kigalitoday #rwanda #RwOT

Nelson Mandela
Nelson Mandela

Iyo cyamunara yari iteganyijwe kubera i New York ku wa 28 Mutarama 2022, ariko Minisitiri w'Umuco muri Afurika y'Epfo, Nathi Mthethwa, arabyamagana agira ati "Urwo rufunguruzo ni urw'Abanya-Afurika y'Epfo".

Mandela yamaze imyaka 27 muri gereza kubera guharanira ikurwaho ry'ubutegetsi bw'ivanguramoko bwa apartheid, 18 muri iyo myaka yayimaze muri Robben Island, ikirwa kiri hafi ya Cape Town.

Mu 1994, Mandela yabaye Umukuru w'igihugu wa mbere wa Afurika y'Epfo w'umwirabura nyuma y'amatora ya mbere ya demokrasi yabaye muri icyo gihugu, ndetse Kugeza ubu afatwa nk'intwari muri Afurica y'Epfo.

Mthethwa yavuze ko ikigo cya Guernsey kigurisha ibintu muri cyamunara cyemeye gusubiza urwo rufunguzo Afurika y'Epfo no guhagarika igurishwa ry'ibindi bintu byari ibya Mandela.

Ibyo birimo igishushanyo bwite cya Mandela, The Lighthouse, Robben Island, hamwe n'igare yakoreshaga mu kugorora imitsi hamwe na raquette y'umukino wa Tennis.

Mu itangazo ryashyizwe ahagaragara, Mthethwa yagize ati "Urwo rufunguruzo n'ikimenyetso cyamateka ababaje ya Afurika y'Epfo ariko kandi ruhagarariye intsinzi y'ubugwaneza ku kibi."

Urwo rufunguzo rwari rwatanzwe na Christo Brand ngo rugurishwe, akaba ari uwarindaga Mandela muri iyo gereza, ndetse abo bombi nyuma babaye inshuti.

Iyo cyamunara yari iyo gukusanya amafaranga yo gutunganya ikibanza, ubusitani n'inyubako ndangamurage iruhande rw'ahashyinguwe Mandela.

Mandela yavuye muri gereza mu 1990 ubwo Afurika y'Epfo yarimo iva mu butegetsi bw'ivanguramoko bwa apartheid.

Yabaye umukuru w'igihugu manda imwe, ava ku butegetsi mu 1999, akaba yaritabye Imana mu 2013 afite imyaka 95.




Source : https://www.kigalitoday.com/amakuru/mu-mahanga/article/cyamunara-y-urufunguzo-rw-aho-mandela-yafungiwe-yahagaze-rusubizwa-afurika-y-epfo

Post a Comment

0 Comments

Nature