Nyuma y'uko abatoza batoje ikipe ya Yanga bose batamuhaye umwanya wo gukina bihagaije, kapiteni w'ikipe y'igihugu y'u Rwanda, Haruna Niyonzima uri ku mpera z'amasezerano ye arifuza gutandukana n'iyi kipe.
Ikipe ya Yanga ku munsi w'ejo ku wa Gatanu igomba gukina umukino wa shampiyona na Namungo ku kibuga k'iyi kipe cya 'Uwaanja wa Majaliwa', ikaba yarahagarutse Dar es Salaam ku munsi w'ejo hashize ku wa Gatatu.
Iyi kipe ikaba yarahagurutse idafie Haruna Niyonzima wanze kugaruka muri bagenzi be nyuma y'uruhushya yahawe n'umutoza Nasreddine Nabi nk'uko Spoti Xtra ibitangaza.
Umuntu wahaye amakuru iki kinyamakuru, yavuze ko Haruna Niyonzima yavuye mu mwiherero w'iyi kipe ku wa Gatandatu nyuma yo kubona ko atari mu bakinnyi bagombaga gukina umukino wa Simba SC waje gusubikwa.
Ati'nyuma yo kubona ko atari mu bakinnyi bagomba gukina umukino wa Simba SC yasabye uruhushya bararumuha, kuva icyo gihe ntaragaruka niyo mpamvu atari mu bakinnyi bagiye gukina na Namungo.'
Uyu muntu yakomeje avuga ko Haruna yafashe umwazuro ko atazagaruka kereka bamwijeje ko umwanya we wo gukina uhagije uhari kuko aba bona arimo guta umwanya we w'ubusa kandi n'abakina ntacyo bamurusha, ngo ibyiza ni uko yakwiruhukira.
Ubwo yavuganaga n'iki kinyamakuru, Haruna Niyonzima yemeje ko atajyanye n'iyi kipe koko kuko yasabye uruhushya rwo kugira ibibazo by'umuryango akemura.
Kuva uyu mwaka w'imikino watangira ari nabwo Haruna yongereye amasezerano, ntabwo yigeze agirirwa icyizere n'abatoza batoje iyi kipe uko ari bane, yaba Cedric Kaze, Juma Mwambusi na Nasreddine Nabi.
