Nyuma y'imvune yo mu ivi yagiriye mu mukino wa 1/4 cya CHAN 2020, rutahizamu Jacques Tuyisenge agomba kumara hanze y'ikibuga ibyumweru biri hagati ya 4 na 6.
Ni imvune yagize ku Cyumweru tariki ya 31 Mutarama 2021 mu mukino wa 1/4 cya CHAN 2020 aho Amavubi y'u Rwanda yarimo akina na Guinea Conakry.
Ubwo umukino wari ugeze ku munota wa 11, Mory Kanté yaje gukandagira uyu musore ndetse ahita asohorwa hanze y'ikibuga.
Umuganga w'ikipe y'igihugu, Rutamu Patrick akaba yemeje ko uyu mukinnyi nyuma y'iyi mvune agomba kumara hanze y'ikibuga ibyumweru biri hagati ya 4 na 6.
Jacques Tuyisenge ni rutahizamu wa APR FC wayigezemo umwaka ushize nyuma yo gutandukana na Petro Atletico de Luanda, yanakiniye kandi Gor Mahia yo muri Kenya na Police FC yo mu Rwanda.
Source : http://isimbi.rw/siporo/article/bite-bya-jacques-tuyisenge-nyuma-y-imvune-ikomeye-yo-mu-ivi-yagize
