Kuri iki Cyumweru tariki ya 20 Ukuboza 2020, Minisiteri y'Ubuzima yatangaje ko mu Rwanda abagabo babiri n'abagore babiri bishwe na Covid_ 19 abo imaze guhitana babaye 63 kuva cyagera mu Rwanda muri Werurwe 2020.
Abishwe na COVID-19 kuri iki Cyumweru ni abagabo babiri b'imyaka 52 (Kigali) n'imyaka 68 (Rubavu) n'abagore babiri b'imyaka 47 na 63 i Kigali.
Minisiteri y'Ubuzima kandi yatangaje ko ku Cyumweru mu Rwanda habonetse abantu 61 bashya banduye COVID-19, abakize bakaba ari babiri.
Abo barwayi bashya 61 babonetse mu bipimo 3,545 bakaba barimo ababonetse i Kigali: 6, Rubavu: 25, Muhanga: 13, Huye: 9, Musanze: 4, Gakenke: 2, Kirehe: 1, Nyanza: 1.
Kugeza ku Cyumweru, mu Rwanda abari bamaze kwandura icyo cyorezo ni 7,293 muri bo abamaze gukira ni 6,091 naho abakivurwa ni 1139.
Kugeza ubu nta muti n'urukingo bya Coronavirus biragera mu Rwanda, hakoreshwa uburyo bwo kuvura ibimenyetso by'iki cyorezo gusa, kugeza umubiri w'umuntu wubatse ubudahangarwa, virus igashira ityo mu maraso.
Source : https://impanuro.rw/2020/12/21/amakuru-mashya-covid-_19-yahitanye-abantu-bane-mu-rwanda/
