Umukinnyi ukomeye ku Isi bamusanzemo Covid_19 , ikiniga ku ikipe y'igihugu cye? #rwanda #RwOT

Kuri uyu wa Gatanu tariki ya 14 Ugushyingo 2020, ishyirahamwe ry'umupira w'amaguru mu Misiri (EFA) ryatangaje ko ibizamini byafashwe kuri Rutahizamu Mohamed Salah wa Liverpool w'imyaka 28 byerekana ko yanduye Covid-19 ariko ko nta kimenyetso na kimwe cyayo agaragaza.

Nyuma EFA yongeyeho ko Salah yasuzumwe bwa kabiri, ibizamini bigashimangira ko afite Covid-19.

Mu itangazo ishyirahamwe EFA ryasohoye, ryagize riti: 'Salah akomeje kwigiramo icyizere cyinshi kandi ntabwo agaragaza ikimenyetso na kimwe cy'iyi virusi'.

EFA yatangaje ko nta wundi muntu wo mu ikipe y'igihugu ya Misiri basanzemo Covid-19.

Kuri uyu wa gatandatu, Misiri irakira Togo mu mukino wo gushakisha itike yo gukina imikino y'igikombe cy'Afurika cy'ibihugu (CAN), ku wa kabiri iyi kipe ikinire muri Togo mu mukino wo kwishyura.



Source : https://impanuro.rw/2020/11/14/umukinnyi-ukomeye-ku-isi-bamusanzemo-covid_19-ikiniga-ku-ikipe-yigihugu-cye/

Post a comment

0 Comments