Ubwisanzure na demokarasi bifite aho bitagomba kurenga– Perezida Magufuli #rwanda #RwOT

webrwanda
0

Perezida wa Tanzania John Magufuli yavuze ko ubwisanzure na demokarasi bifite aho bitagomba kurenga, nk'uko bitangazwa n'ibiro ntaramakuru AFP.

AFP itangaza ko yaraye abivugiye mu muhango wo kurahiza abagize inteko ishingamategeko bashya. Yagize ati:

'Intego y'ubwisanzure na demokarasi ni ukuzana amajyambere, si [uguteza] akajagari…'

Yakomeje avuga ko Ubwisanzure cyangwa uburenganzira [bwa muntu] na demokarasi bijyana n'inshingano kandi buri kimwe gifite aho kitagomba kurenga. Nizeye ko ibyo mvuze byumvikanye neza.

Bwana Magufuli avuze aya magambo nyuma yo gutsinda amatora yo mu kwezi kwa cumi n'amajwi 84%, nkuko byatangajwe n'akanama k'amatora.Ishyaka rye CCM ryanatsindiye imyanya hafi ya yose mu nteko ishingamategeko.

Ayo matora yamaganywe n'amashyaka akomeye atavuga rumwe n'ubutegetsi avuga ko yaranzwemo uburiganya. Akanama k'amatora karabihakanye, kavuga ko nta buriganya bwabayeho.



Source : https://impanuro.rw/2020/11/14/ubwisanzure-na-demokarasi-bifite-aho-bitagomba-kurenga-perezida-magufuli/

Post a Comment

0Comments

Post a Comment (0)