Minisiteri y'Ubuzima mu Rwanda yatangaje ko kuri uyu wa Mbere tariki 12 Ukwakira 2020, Covid_19 yahitanye umuntu umwe , bituma umubare w'abantu bamaze kwicwa n'icyorezo ugera kuri 32 mu Rwanda. Minisiteri y'Ubuzima yatangaje ko uwo muntu ari Umugabo w'imyaka 51 y'amavuko.
Minisiteri y' Ubuzima mu Rwanda yatangaje ko abantu 271 bakize COVID-19, haboneka abarwayi bashya 9.
Abo barwayi icyenda bashya babonetse mu bipimo 2,149 bakaba barimo 8 babonetse mu Karere ka Nyagatare (abatwara amakamyo), undi umwe aboneka mu Karere ka Kayonza.
Kugeza ubu mu Rwanda abamaze kwandura icyo cyorezo ni 4,905 muri bo abamaze gukira ni 3,877 naho abakivurwa ni 996.
Minisiteri y'Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry'icyorezo cya COVID-19.
Source : https://impanuro.rw/2020/10/13/covid_19-yahitanye-umuntu-wa-32-mu-rwanda/
