Muri Leta Zunze Ubumwe za Amerika, umucamanza w'urukiko rw'Akarere ka Cottondale yakatiye umugabo uwitwa Matthew Tyler gufungwa imyaka 600 nyuma yo guhamwa n'icyaha cyo kwifata amashusho arimo gusambanya abana.
Umucamanza Scott Coogle yakatiye Matthew Tyler iki gihano nyuma y'uko nyir'ubwite yiyemereye icyaha.
FBI ivuga ko n'ubwo bidashoboka ko umuntu amara imyaka 600 muri gereza ariko bitakuraho ko igihe ibyaha wakoze bihwanye n'icyo gihano nta kabuza uba ugomba kugikatirwa.
Ubushinjacyaha bwavuze ko Matthew Tyler yasambanyirizaga abana b'imyaka iri hagati 4 kugera kuri 6 mu nzu yari atuyemo mu gace ka Cottondole.
Ibi bikanemezwa n'uko bamusanganye amashusho (Videos) arenga 102 y'ibikorwa by'urukozasoni yakoreraga abo bana mu bihe bitandukanye hagati ya 2016 na 2019.
