Mu gace ka Papua gaherereye mu kibaya cya Ballem mu gihugu cya Indonesia, hari ubwoko bw'abantu bitwa aba 'Yali' bazwiho kuba barya inyama z'abantu.
Aba 'Yali' ni bamwe mu bantu ku Isi batuye bonyine, bijyanye n'uko ikibaya cya Ballem kiri kure cyane y'aho abandi bantu batuye, ibirenze ibyo urugendo rwo kukigeramo rukaba ari rurerure cyane kandi rurimo inzira zigoranye, dore ko nta n'umuhanda ujyayo.
Amateka yerekana ko mbere y'umwaka wa 1960, nta muntu n'umwe wari warigeze ahura na bariya bantu, ndetse binemezwa ko bari mu bantu bake ku Isi baba mu buzima bwabo bwihariye, n'ubwo ubutaka batuyeho bugenzurwa na Leta ya Indonesia.
Abenshi mu bumvise aba 'Yali' babamenye kubera kurya inyama z'abantu, gusa bakaba bazirya mu rwego rwo gukanga ubundi bwoko bw'abantu.
Bivugwa ko mu busanzwe aba 'Yali' batunzwe n'ibikomoka ku bimera, gusa bakaba barya inyama z'ingurube iyo bafite ibirori bikomeye.
Aba 'Yali' mu minsi ya kera ngo bagabaga ibitero ku banzi babo, hanyuma bagafata bunyago imfungwa. Izo mfungwa ngo ni zo babagaga, inyama zabo bakifashishwa mu birori mu mwanya w'inyama z'ingurube.
Amagufwa y'abo bantu aba 'Yali' barayasyaga bakayavanga n'umukungugu, hanyuma bakayajugunya mu kibaya cy'abanzi babo mu rwego rwo kubatera ubwoba.
aba 'Yali' babamenye kubera kurya inyama z'abantu
