Mu gihugu cy'ubuhinde umudepite wagaragaye yigaragura mu kizenga k'ibyondo avuga ko kwigaraguramo byongera ubudahangarwa bw'umubiri mukwirinda Covid-19, ubu ararembye nyuma yo kuyimusangamo.
Hon. Sukhbir Singh Jaunapuria, ni Umudepite uhagarariye intara ya Rajasthan yo mu Majyaruguru y'Ubuhinde ari mu mubare w'Abadepite 24 basanzemo COVID-19 ku wa 14 Nzeri 2020.
Ukwezi kumwe mbere y'uko yandura, uyu Nyakubahwa yari yashyize amashusho asekeje kuri Facebook ushobora kuyareba, aryamye mu kidendezi k'ibyondo yabyisize hose avuga ko byongera ubudahangarwa bw'umubiri kwirinda COVID-19.
Jaunapuria wagendaga kandi asoroma imyembe mibisi akayirya n'amababi y'ibiti byose avuga ko ngo ari ibintu kamere byongera ubuhangarwa bw'umubiri kuguhangana na COVID-19.
Yagize ati:' Musohoke, ni mugende mwinyagize imvura, mwicare hasi mwivange n'ibyondo, mugende mu mirima murye imyembe mibisi n'amababi bituma umubiri ugira ubudahangarwa'.
Ubundi ni igihugu cyazahajwe na COVID-19 aho abagera kuri 5,141,905 bayanduye, harimo 83,433 bapfuye 4,039,986 bakize na 1,018,486 bakirwaye, nicyo gihugu cya kabiri ku Isi nyuma ya Amerika.