Yabitangarije mu kiganiro yagiranye n'abanyamakuru kuri uyu wa 2 Nyakanga 2020, ikiganiro cyabaye nyuma y'iminsi ibiri hasojwe umwaka w'ingengo y'imari 2019/2020.
Mu kwezi kwa 3 uyu mwaka nibwo icyorezo cya covid-19 cyageze mu Rwanda, ibikorwa bimwe biradindira.
Meya Ntazinda yavuze ko abafatanyabikorwa b'akarere bakusanyije amafaranga y'u Rwanda arenga miliyoni 150 ashorwa mu bikorwa byo guhangana na covid-19.
Ati “Ahanini yagiye mu gufasha imiryango yagezweho n'ingaruka zitaziguye muri gahunda ya guma mu rugo, andi yagiye mu kubaka ubukarabiro, gutanga amasabune n'ibikoresho by'isuku ku miryango itishoboye”.
Iki cyorezo cyadindije imishinga y'akarere
Umushinga wo kugeza amashanyarazi mu murenge wa Cyabakamyi warandidiye. Amashanyarazi yagombaga kuba yagezeyo mu mwaka ushize w'ingengo y'imari ariko kubera iki cyorezo kugeza ubu ntabwo amashanyarazi arageraho kuko ibikoresho byagombaga kuva mu Bushinwa.
Meya Ntazinda ati “Ubu imirimo yongeye gusubukurwa, amapoto yamaze gushingwa mu minsi iri imbere abaturage ba mbere bazaba bacana”.
Icyorezo cya covid-19 cyahagaritswe urugerero ruciye ingando kandi izi ni imbaraga zakoreshwaga mu guhindura imyumvire no kubaka ibikorwaremezo n'amazu y'abatishoboye.
Umushinga wo kubaka agakiriro nawo wadindijwe na covid-19 kuko wari warahagaze kuri ubu wongeye gusubukura mu kwezi kwa 5, agakiriro karuzuye ariko ntabwo kuzuriye igihe.
Indi mishanga yadindijwe na covid-19 harimo kubaka ibyumba birenga 600 by'amashuri, kubaka ubuhunikiro n' indi mishinga irimo kugura imbagungukira, yabonetse mu mpera za Kamena kandi yaragombaga kuboneka muri Gicurasi.
Ntazinda avuga ko ikintu kitagizweho ingaruka zikomeye na covid-19 ari ubuhinzi
http://dlvr.it/RZprDR
