Ikipe ya Rayon Sports ishobora gukura amaso kuri Muhire Kevin utarayongerera amasezerano aho abasaba kubanza kumwishyura amafaranga yose bumvikanye.
Muhire Kevin yasinyiye Rayon Sports umwaka ushize w'imikino aho yahise avunika shampiyona irangira atongeye kuyikinira.
Uyu musore akaba yari mu biganiro na Rayon Sports ngo abe yayongerera amasezerano ariko bisa n'aho impande zombi zananiwe kumvikana.
Amakuru ISIMBI yamenye ni uko uyu mukinnyi ukina mu kibuga hagati asatira yasabye iyi kipe miliyoni 20 z'amafaranga y'u Rwanda akajya ahembwa miliyoni n'ibigumbi 200.
Amakuru avuga ko iyi kipe yabonye miliyoni 10 barazimushyira ariko yanga kuyafata avuga ko bayashaka bitonze ko bazayamuha yuzuye kuko atayafata ari igice.
Amakuru avuga ko ubuyobozi bwa Rayon Sports bushobora kureka uyu musore kuko arimo kubagora bakaba ahubwo bashakamo abanyamahanga cyane ko n'umubare wabo muri shampiyona wiyongereye wavuye kuri 3 ugera kuri 5.
Source : http://isimbi.rw/siporo/article/rayon-sports-ishobora-gukura-amaso-kuri-muhire-kevin
