Emmy akunzwe mu ndirimbo zitandukanye zirimo; 'Ntunsige', 'Care', 'I swear','Uranyuze', 'Wabaga he' yakoranye na Priscilla, 'Kuki', 'Nyuma' yakoranye na Kaytwo n'izindi. Kuri ubu yamaze gutera intambwe ikomeye mu rugendo rwe rw'urukundo yambika impeta umukobwa yakunze kurusha abandi bose ku Isi. Kuri uyu wa Gatatu tariki 13/01/2020 ni bwo yahamije ko yamaze gutera iyi ntambwe mu butumwa yanyujije ku rukuta rwe rwa Instagram.
Emmy yavuze ko umukobwa yambitse impeta ari we yatoranyije ndetse ahamya ko nta wundi uzamumurutira kuko yamutoranyije nta kujijinganya. Yatangaje ko yishimiye cyane iyi ntambwe bateye. Yashimiye umukunzi we Umuhoza Joyce (Hoza) kuba yaramwizeye. Yongeyeho ati "Ndagukunda Hoza". Ubu butumwa yabwanditse munsi y'amafoto aryoheye ijisho amugaragaza ari kumwe n'umukunzi we basohokeye ku mazi ari naho yamwambikiye impeta.
REBA AMAFOTO UBWO EMMY YAMBIKAGA JOYCE IMPETA Y'URUKUNDO
Emmy na Joyce mu buryohe bw'urukundoJoyce yishimiye kwambikwa impeta n'umusore wamurutiye abandi bose
Emmy hamwe n'umukunzi we Joyce biyemeje kuzabana iteka
Ubutumwa Emmy yanditse atangariza abantu ko yambitse impeta umukunzi we
Source : https://inyarwanda.com/inkuru/102314/umuhanzi-emmy-yambitse-umukunzi-we-impeta-yurukundo-102314.html