Kugeza ubu ntituramenya ugiye kuba perezida w'Amerika mu myaka ine iri imbere, ariko kimwe tuzi cyo ni uko atazaba ari umuraperi Kanye West.
Uyu muraperi w'imyaka 43 yemeye ko yatsinzwe nyuma yuko ishyaka rye yise 'Birthday Party' ribonye amajwi 60,000 gusa mu majwi agera kuri miliyoni 160 yose hamwe ryashoboraga kubona.
Madamu Jo Jorgensen, undi mukandida wigenga wo mu ishyaka 'Libertarian Party', we yigaragaje kumurusha â€" abona amajwi arenga miliyoni 1,5.
Ariko, ibya politike kuri West bishobora kuba bitarangiriye hano. Kuri Twitter, yanditse ati: 'Kanye 2024', aca amarenga yuko azongera kwiyamamaza.
Muri uku kwiyamamariza kuba perezida kwe kwa mbere, West yagaragaye ku mpapuro z'itora muri leta 12, mu zindi nyinshi ntiyubahiriza itariki ntarengwa yo gutanga ibyangombwa.
Amajwi menshi muri ayo yabonye â€" amajwi 10,188 â€" yayabonye muri leta ya Tennessee izwiho gutora abakandida b'abarepubulikani.
Mu kwezi kwa karindwi ubwo yatangiraga kwiyamamaza, yabwiye ikinyamakuru Forbes ko mu ntego ze z'ingenzi harimo guhagarika ibikorwa by'urugomo bikorwa na polisi.
Yanavuze ko yari kwibanda ku kurinda Amerika binyuze ku 'gisirikare gikomeye' cyayo.
Ndetse no gusukura 'mu mubavu [deodorant] twitera, mu muti wo kogesha amenyo' ibinyabutabire (chemicals) bishobora kugira ingaruka ku buzima.
Kuki ishyaka rye yaryise gutyo?
Yagize ati: 'Kubera ko igihe tuzatsinda, kizaba ari [kizahinduka] umunsi mukuru w'amavuko kuri buri muntu wese'.
Ariko kandidatire ye yaranenzwe cyane â€" ndetse bamwe bagaragaza impungenge ku buzima bwe bwo mu mutwe ubwo yariraga mu kwiyamamaza.
Source : https://impanuro.rw/2020/11/07/ese-kanye-west-yagize-amajwi-angahe-mu-matora-yokuyobora-amerika/
