Header Ads Widget

Technology

La Fouine ugiye gutaramira abanyarwanda yagez... - #rwanda #RwOT

Mu matariki yo hagati mu kwezi kwa Kamena 2022 ni bwo hamenyekanye inkuru nziza ko umuraperi La Fouine azataramira mu Rwanda asimbuye umuhanzi w'umukongomani Youssoupha wari umaze gutangaza ko atakije kubera igitutu yashyizweho.

La Fouine rero nk'uko byari biteganijwe yamaze gusesekara i Kigali aho azataramira abanyarwanda mu gitaramo kizabera muri Car Free Zone mu mujyi wa Kigali kuwa 02 Nyakanga 2022.

Si we wenyine kandi kuko na Magic System nayo izataramira abanyarwanda kuwa 03 Nyakanga ku munsi uzasorezwaho iserukiramuco rya African in Color. Aba bose bafatanya n'abahanzi b'abanyarwanda n'abavanzi b'umuziki batandukanye.

Mu gitondo cy'uyu munsi ni bwo Miss Universe 2019 Zozibini Tunzi ukomoka muri South Africa, Jarrel Carter na Commissioner Gordon bo muri Leta Zunze Ubumwe z'Amerika bageze nabo mu Rwanda, bakaba bari no mu bashyitsi b'imena muri African in Color Festival.

Kuri uyu wa 30 Kamena 2022 ku isaha ya saa yine z'igitondo hateganyijwe ikiganiro n'itangazamakuru nyuma ku mugoroba hakazaba igitaramo kizakirirwamo abashyitsi bose bitabiriye African in Color Festival.

La Fouine uraye i Kigali ni umwe mu baraperi bakomeye ku isi

REBA HANO UBWO LA FOUINE YARI AGEZE I KIGALI



AMAFOTO: Sangwa Julien 

VIDEO: Jado & Bachir 



Source : https://inyarwanda.com/inkuru/118580/la-fouine-ugiye-gutaramira-abanyarwanda-yageze-i-kigali-amafoto-118580.html

Post a Comment

0 Comments

Nature