Kapiteni w'Ikipe y'Igihugu ya Volleyball y'Abagore wakiniraga ikipe ya APR WVC, Munezero Valentine, yamaze kubona ikipe nshya ya Club Sfaxien mu Cyiciro cya Mbere muri Tunisia.
Munezero Valentine ni umwe mu bakinnyi b'ikipe y'igihugu bitwaye mu gikombe cy'Afurika giheruka kubera muri Cameroun aho yafashije u Rwanda gusoza ku mwanya wa kane, umwanya rwabonye bwa mu mateka yarwo.
Ukwitwara neza muri iki gikombe aho yabaye umukinnyi mwiza warushije abandi gukora serivise nziza "Best Server" byamuhesheje kuba yabona ikipe muri Tunisia.
Kuri uyu wa Kane tariki ya 5 Ukwakira 2023 nibwo yafashe rutemikirere yerekeza muri Tunisia mu ikipe ya Sfaxien mu gihe kingana n'umwaka.
Yerekeje muri iyi kipe ikina mu cyiciro cya mbere muri Tunisia nyuma y'imyaka 5 akinira APR yagezemo avuye muri IPRC Kigali.
Source : http://isimbi.rw/siporo/article/kapiteni-w-ikipe-y-igihugu-yabonye-ikipe-muri-tunisia
