Ikipe ya Ajax Amsterdam ikomeje gushaka umutoza mushya uzayiyobora mu mwaka utaha w'imikino, aho amakuru ari kuvugwa cyane mu Burayi agaragaza ko umunya-Espagne MÃchel Sánchez ari we uza imbere ku rutonde rw'abatekerezwa guhabwa aka kazi.
Uyu mutoza usanzwe atoza Girona FC yigaragaje cyane mu bihe bishize nyuma yo gufasha iyi kipe gukora amateka muri shampiyona ya Espagne, ibintu byatumye amakipe menshi yo ku Mugabane w'u Burayi atangira kumwifuza. Ajax bivugwa ko yamaze gushyira MÃchel ku mwanya wa mbere mu batoza bifuza kugirana ibiganiro na bo muri iyi mpeshyi.
Nubwo Ajax ifite urutonde rw'abatoza batatu iri kwigaho, MÃchel ni we uyifitiye amahirwe menshi kubera uburyo akina umupira usatira ndetse no guteza imbere abakinnyi bakiri bato, ibintu bihura n'umuco wa Ajax.
Ku rundi ruhande, Villarreal CF nayo iri hafi kubona umutoza mushya, aho amakuru avuga ko yizeye kugirana amasezerano na Iñigo Pérez, nyuma y'igihe Marcelino GarcÃa Toral ashobora gutandukana na Villarreal.
Kugeza ubu Iñigo Pérez aracyibanze ku gusoza neza umwaka hamwe na Rayo Vallecano, cyane ko iyi kipe igifite inzozi zo kubona itike y'imikino y'i Burayi.
Source : https://kasukumedia.com/michel-ni-we-uhabwa-amahirwe-yo-gutoza-ajax-muri-iyi-mpeshyi/
