Abakinnyi ba Arsenal bagaragarije Abanyarwanda ko bifatanyije nabo muri iki gihe cyo Kwibuka Jenoside yakorewe Abatutsi mu 1994.
Uyu munsi tariki ya 7 Mata 2026 u Rwanda n'inshuti z'u Rwanda batangiye Icyumweru cy'Icyunamo, bibuka Jenoside yakorewe Abatutsi mu 1994.
Abakinnyi ba Arsenal isanzwe ifitanye ubufatanye n'u Rwanda bwo kwamamaza ubukerarugendo bwarwo binyuze muri Visit Rwanda, bifatanyije n'abanyarwanda.
Mu mashusho banyujije ku mbuga nkoranyambaga za Arsenal, abakinnyi bayo bane barimo Jurriën David Norman Timber yagize ati "Mu Kwibuka ku nshuro ya 32 Jenoside yakorewe Abatutsi mu 1994 duha icyubahiro ababuze ubuzima, twifatanyije n'abaturage b'u Rwanda."
Umunyezamu David Raya yahise agira ati "Remmember (Kwibuka)", Christian Nørgaard ati "Unite (Ubumwe) na Ben White ati "Renew (Ubuzima bushya)."
Ni ku nshuro ya 32 u Rwanda rwibuka Jenoside yakorewe aho mu minsi 100 yahitanye ubuzima bw'abarenga miliyoni bazira uko bavutse.
Source : http://isimbi.rw/ubutumwa-bw-abakinnyi-ba-arsenal-bageneye-abanyarwanda-mu-gihe-cyo-kwibuka.html
