BAL 2022: Zamalek yegukanye umwanya wa gatatu... - #rwanda #RwOT

webrwanda
0

Ni umukino utatunguye abafana kuko benshi bemezaga ko hatabaye ikindi kibazo Zamalek igomba kwegukana umwanya wa gatatu uko byagenda kose, nyuma yo gutakaza imbere ya Monastir muti 1/2. Zamalek yatangiye umukino iri hejuru cyane, iyobora uduce tune twose tw'umukino binayihesha kwegukana umwanya wa gatatu muri iri rushanwa yatwaye mu 2021 ubwo ryakinwaga ku nshuro ya mbere.


Zamalek yatsinze agace ka mbere ku manota 19-11, inatsinda agace ka kabiri ku manota 42-29, amakipe yombi yerekeza mu karuhuko Zamalek iri imbere. Iyi kipe y'ubukombe muri Afurika, by'umwihariko mu Misiri yagarutse mu gace ka gatatu yariye karungu nubwo abanya-Cameroun nano bashakaga gukuramo amanota 13 barushwaga.


Zamalek yatsinze agace ka gatatu ishyizemo ikinyuranyo cy'amanota 14, ku manota 65-51.

Mu gace ka Kane Zamalek yatsinzemo amanota menshi kurusha uduce twabanje kuko yatsinzemo amanota 32, mu gihe FAP yatsinzemo amanota 23, bituma umukino urangira Zamalek yegukanye umwanya wa gatatu itsinze FAP amanota 97-74.


Umutoza Jose Neto wa Petro de Luanda yatowe nk'umutoza w'umwaka mu irushanwa rya BAL.

Kuri uyu wa Gatandatu haramenyekana ikipe izegukana igikombe cy'uyu mwaka cya BAL hagati ya US Monastir yo muri Tunisia na Petro de Luanda yo muri Angola, umukino uzatangira saa Kumi n'ebyiri z'umugoroba. 

Zamalek yegukanye umwanya wa gatatu itsinze FAP yo muri Cameroon 

Uyu mukino ntiwigeze utungura abafana

Zamalek niyo yegukanye igikombe cy'umwaka ushize

Jose Neto wa Petro de Luanda yatowe nk'umutoza w'umwaka muri BAL 



Source : https://inyarwanda.com/inkuru/117583/bal-2022-zamalek-yegukanye-umwanya-wa-gatatu-itsinze-fap-neto-wa-petro-aba-umutoza-wimyaka-117583.html

Post a Comment

0Comments

Post a Comment (0)